八月生日飯

呢盤係腸仔包同豬仔包.

呢盤係吞拿魚包同豬仔包.

包好去先.

炸蝦餅

咖哩蝦

木薯

椰汁糕

千層糕

仲有好多餸, 不過無影到.

呢個月係我自己o既生日月, 尋日同朋友去o左荃灣吉之島o既青胡椒食晚飯, 不過朋友請食飯, 我當然都要回返小小禮俾佢地啦!! 做俾自己食o既包包都做o左好多次, 但係做俾朋友食都係第一次, 之前都做過一次曲奇俾佢地試試, 佢地都叫我整包包俾佢地食, 所以尋日就做俾佢地試下啦. 不過今次做包o既時候, 原來 d 快速酵母粉已經用哂, 所以用乾依士粉, 不過乾依士發得比較慢, 時間都用耐o左, 而且好似無快速酵母發得咁大咁??? 會唔會係錯覺呢??? 算啦.. 由於好友想食吞拿魚包, 豬仔包, 而最初我話做腸仔包, 所以一次過做三款包, 因為會做俾六個朋友, 所以做迷你包算啦. 哈.... 就係咁, 尋日一早出去買材料. 拿拿淋做包, 希望朋友會鍾意食啦. 希望佢地無食到嘔啦. 哈....

尋晚我地約o左去荃灣青胡椒食, 由於之前都試過, 所以都無乜特別. 至在同好友傾下計o者. 由七點坐到九點幾, 我都食得好飽o架, 尤其是係食甜品之後, 真係飽得好緊要, 果件木薯當正餐食都得. 哈.. 因為好飽肚o架!! 真係多謝幾位好友請食飯. 多謝哂!!!!

吃飽之後抱住個大肚腩返屋企......