救命

呢張相就係阿寶沖涼之後所影o既. 佢好似仲未驚完咁. 唉..

每一日我掃地洗地O既時候, 都會將阿寶放入廁所先, 因為費時佢搞搞震, 今日照常將佢放入廁所, 其實佢每次都會係咁叫, 因為想出O黎玩呀麻... 所以我都習以為常無理佢, 直到我清潔完畢後, 我就諗住將佢放返出O黎, 就係呢個時候, 阿寶原來跌O左落馬桶度......九成九係佢又O係個馬桶上面玩雜技, 一個唔小心跌O左落馬桶啦....唉.......我即刻九秒九將佢救返出O黎, 亦都馬上同佢大清潔, 佢繼被困馬桶嚇親之後,又再被濕身, 驚上加驚...無法啦. 鬼叫你跌落馬桶咩!!!
沖完涼之後, 可能受驚過度, 所以好黏身, 行到邊跟到邊. 不過到O左晏晝我都要出一出街, 不過我都馬上將個馬桶蓋放返低, 費時佢又跌落去. 另外, 阿寶可能大隻O左, 跳得亦高O左, 佢尋日跳O左上去神枱柜個觀音像隔離, O...........NO.............仲俾阿媽親見目睹, 阿媽嬲到爆炸, 阿寶當然唔知自己衰乜啦!! 即時俾人打......佢就傻下傻下唔知發生乜O野事即時走人..... 阿媽就係咁鬧....我都幫唔到阿寶, 我只係話[佢都唔識O架...佢都唔知唔去得果度], 不過阿媽當然係聽唔入耳啦. 唉...........
到O左今朝, 大概係七點左右, 又聽到阿媽O既大叫聲...我諗大家都估到發生乜O野事啦....所謂一不離二, 二不離三...阿寶又企O左係觀音隔離, 佢係咪想信佛呢??? 我唔知道, 我淨係知道佢又要俾人打啦. 唉........我無話可說, 不過好彩之後阿爸封O左某 D 位, 令到阿寶再去唔到觀音像隔離. 希望阿寶唔會再走到去果度啦.
阿寶越O黎越大, 我諗意想不到O既事會繼續發生, 祝阿寶你好運啦.....醒醒定定做貓呀!!!