整電腦

今次整蛋糕O既時候, 用O左膠帶圍邊, 因為諗住容易脫模, 點知一拎走個膠帶, 個圍邊即刻好難睇. 下次都係唔好咁整.


入面個樣都幾OK O架.







細路哥好活躍, 好難影........
尋日個相機調得唔好, D相影得唔好呀. 唉....

我個電腦又出現問題啦, 不過好彩唔係大問題, 只係電腦裡面O既風扇壞O左唔識轉, 我向SUKI老公求救, 佢話佢有個風扇可以俾我, 於是我叫佢俾我自己試下裝, 不過最後我都係裝唔到.......都係要麻煩SUKI老公過O黎幫我裝. 所以尋日SUKI同佢老公, 仲有欣欣都O黎探訪我囉. 哈....

我都即該一早整返個芒果芝士蛋糕O黎等侍佢地O既到來呀 .希望可以請佢地食返小小O野.

上次見欣欣應該都已經係兩個月之前O既事啦. 尋日再見欣欣佢又大過O左啦. 講O既說話亦多O左, 欣欣好搞笑, 好奇心好重, O係我屋企周圍探索, 樣樣都拎O黎拎去, 不過都好有手尾O架, 拎完都會放返好, 另外見到一袋袋未開O既物件, 都會叫你開O既, 好似我有一包紙碟同一包膠叉, 佢一見到就即刻話[開呀, 開呀. ]真係得意. 仲有欣欣好鍾意笑, 又好鍾意玩波, 見到阿寶玩開O既波仔, 佢都拎O黎玩, 仲玩得勁開心, 哈哈大笑. 真係俾佢笑死. 不過小朋友O既體力真係好好, 不停咁玩都唔會攰, 做父母O既都咪話唔辛苦呀. 不過辛苦得O黎都係開心O既.

玩到咁上下我就拎 D 蛋糕俾佢地食, 今日家姐同阿瑜, 珩珩都O黎O左, 所以一齊食蛋糕, 好彩都整得OK, 食得入口, 哈...佢地都話OK, 我都安心D.

總之, 尋日就好唔該SUKI老公, 成日麻煩你地真係好唔好意思. 希望我個電腦生性D唔好成日有咁多問題啦~~~~~~~~

SUKI話下次叫埋SALLY個姪女同埋欣欣過O黎我屋企一齊玩, OK當然無問題啦. 歡迎, 歡迎!!幾時有時間就過O黎玩啦!!

蛋糕做法：
材料:餅底:麥維他消化餅 70克牛油 30克 海綿蛋糕:蛋1 隻砂糖 24克
低筋粉　２２克
菜油 8克
芒果芝士餡忌廉芝士 85克.
砂糖 3０克.
淡忌廉1３0克.
芒果茸 ８０克.
魚膠粉 6克.
水3０克 .
芒果粒適量
做法:
１）　將麥維他消化餅壓碎，　牛油用熱水坐溶，　將牛油加入餅碎拌勻放入蛋糕模內平均壓實．再放入雪柜雪凍．
２）將雞蛋，糖用電機(１度)打至光身．　再將篩好的低筋粉慢慢加入蛋漿內拌勻，　再加入菜油，　然後放入已用１６０度火預熱的焗爐內焗１５－２０分鐘．　焗好後待涼後取出切細外圍些少備用．
３） 淡忌廉打至雪糕狀再放入雪柜備用．
４）　忌廉芝士加入糖打至砂糖溶解後，　再將芒果 茸 拌勻，　將淡忌倒入芒果士漿中再拌勻，　再加入芒果粒再拌勻，　最後再加入魚膠水拌勻．
５）　將海棉蛋糕放在餅底上．將芒果芝士漿倒入蛋糕模內．　再放入雪柜雪三小時．
完成．