第三支防疫針

呢張係o岩o岩睇完醫生打完針o既時候影o既, 佢都仲未驚完, 哈..

尋日帶阿寶去打第三支防疫針, 雖然已經係第三次去診所, 但係阿寶仍然係好驚, 但總算係無頭果兩次咁驚!!! 我地去到診所就已經見到有隻好大隻o既諾威那坐o左係地下, 所以都唔敢放阿寶出o黎, 驚阿寶見到隻大狗嚇到唔知走去邊就死火, 由於未到阿寶, 所以只好坐o係度等, 聽果個諾威那o既狗主講佢隻狗坐o係屋企個鐵絲網邊抻個頭出去望街, 點知就俾街外行過o既衰人用o野打佢個頭, 打到佢隻眼腫哂!!! 真係無人性, 我都見隻狗謝哂, 一路都痴住個主人, 頭du du, 真係可憐!! 之後見佢隻狗睇完醫生就到我地啦! 阿寶入到去見到醫生都唔敢郁, 醫生check阿寶o既心肺正唔正常, 醫生就話阿寶好緊張呀!! 個心跳得好快!! 其他都正常, 哈...阿寶o係屋企就惡死, 出到o黎就無鬼用!! 之後就同佢磅重, 今次係2.05kg, 即係4磅半左右, 比起九月去睇醫生時重o左一磅左夻啦, 醫生話差唔多o架啦!!! 唔使個幾字就睇完醫生走人. 下次再o黎睇醫生都係阿寶做(得哥)o既時候!!! 哈.... 希望一切順利啦!!