沙律包

今日做o既沙律包.

我都好耐無整過包包, 今日終於[的]起個]起個心肝郁手整包. 手頭上o既材料唔係好多, 得 d 腸仔, 吞拿魚, 粟米, 但係又唔想整齋吞拿手包, 齋腸仔包, 所以諗諗下不如將 dｏ野加埋一齊再加　ｄ　沙律整個沙律包好過啦!!! 整完出ｏ黎都好滿意．　好味道!!!

都係先搓好個麵糰. 然後蓋上保鮮紙發酵45分鐘.

沙律整好放入雪柜備用.

第一次發酵完分開八份做形.

第二次發酵完成.

用200度焗10-12分鐘. 完成.

材料：）８個）
沙律：　其實任自己鍾意啦，　我就只係用ｏ左腸仔，　吞拿魚，　粟米，　沙律漿．　將佢地搞埋一齊放入雪柜備用啦．
包：
高筋粉：　２５０克
糖：　３０克
酵母粉　：　５克
奶粉　：　８克
牛油：　２０克
奶　：　１１０克
蛋　：　半隻（用ｏ左哂果半隻蛋留返ｏ黎掃包包表面)
湯種　：　（高筋粉１５克，　滾水　７０克　－將兩者加埋一齊搞勻

做法：
１）　將牛奶，酵母和五克糖放在一起拌勻待五分後用．
２）　高筋粉篩好加入餘下ｏ既糖，　奶粉，　湯種，　酵母奶，　蛋，拌勻，　然後搓，　搓至唔黏手及有彈性. 然後將牛油加入再搓一會, 跟住將麵糰放入已掃油o既盆內,再蓋上保鮮紙發酵45分鐘.)
3) 取出麵糰壓平切開八份(每份約60克), 　放在紙模上，掃上蛋漿，　將沙律加入．　蓋上保鮮紙第二次發酵，　大概發酵三十分鐘．
４）　焗爐先以２００度預熱．
５）　將包包放入爐焗１０－１２分鐘．　（包包表面金黃就oｋ) 完成．