GRACE樂園

2005年12月7日

由頸痛到背脊

可能昨晚的睡姿不太好, 今早一起床已發覺頸部到背部又轉動就很痛, 一整天都盡量小動作, 希望明早起床不會再痛啦......
所以就算想跑步都不能跑....其實天氣那麼泠, 都是留在被窩內舒服些, 哈.....

2005年12月6日

(曾淑儀, 盧苑茵,梁奕倫) /曾淑儀,湯盈盈,梁奕倫)

做完今晚這一集就做完了, 而這套阿旺新傳, 雖然令到"李笑好"人氣急升, 其他演員也很受歡迎, 好像上星期"媽媽"(盧苑茵)也到香港電台第二台做訪問. 聽她做訪問也覺得她真人跟電視劇中的"阿蓮"一樣那麼好人呀.

另外,在(萬王之王)另一個嘉賓商天娥更加有趣, 我從來都未聽過她在電台做訪問, 原來她很(MAN)的, 非常爽, 哈.... 之後我再返回廣台的綱頁看到她當日做節目的相片, 嘩...........雖然她已四十歲, 但一點也不像, 而且比我想像中瘦.名星就是明星, 曾淑儀雖然比娥姐年輕, 但看起來都是娥姐正D. 哈....

真的是BBQ!!

剛剛的文章打完不夠半個小時, 我的朋友已大電話來約二十六日去BBQ, 哈.... 相信很快又會再約去看電影, 我想想看 "King Kong", 好像很有趣!!

聖誕節有什麼好節目呀??

時間過得真的快, 再多十幾天就到聖誕節了, 雖然現在天氣很涷, 但不知到聖誕當日的氣溫會否升回廿度, 希望到時候可以泠一些, 氣份會好些. 如果香港也會下雪那就好, 但如果真的下雪, 恐怕世界快末日了, 哈...

今年聖誕不知是否又是看看電影, 約朋友吃飯, 逛逛街, BBQ, 打邊爐...... 不過都應該是這些........
你們又有什麼節目呀?????

2005年12月4日

今晚打邊爐, 洗菜時發現一條虫, 好驚呀..

很可怕呀.....虫呀....

氣溫急降, 最好就是打邊爐!!!! 不過很易肥...-_-

今日買了一些生菜來打邊爐, 我姐姐將生菜放入心中浸, 之發現一條黑色長長的虫, 但我姐夫說這是xx(我己不記得他說那條虫的名字), 好驚呀, 會郁的.... 之後我姐夫用紙巾包好掉了.....

好飽呀..........

這張相片跟你的其中一張有點相似.

TO: SYNN
我這張相片跟你在費城所拍的其中一張, 有點相似. 你的那張是 Day 8 我住的Bank Street Hostel "
當然不是完全一樣, 但給我的感覺有點相似.
我的這張相片是在香港錦田所拍的, 那是一個舊區, 當日我到我的朋友家裡去時, 在附近所拍的.

今年新歌手的表現真的好

最近有很多新歌手有新唱片推出, 包括有側田, 王苑之, 衛蘭, 應昌佑, K.J. 他們都是唱得之人, 有實力的, 跟早兩年的新人真的好得多,而且大多都是又唱得, 又作得, 真的很利害, 我相信今年的新人?, 男的是側田, 女的是王苑之或衛蘭. 他們都可算是超班馬, 相信其他女歌手都是為人高興......
不過除了歌手高興, 我也很高興, 一來有好歌聽一二來去唱K, 也可以找多一些悅耳的歌曲去唱. 不用唱來唱去都是容祖兒, 鄭秀文.....好悶呀..........

2005年12月1日

MAX新相片

MAX的新相片...型呀!!

2005年11月30日

下星期天氣轉涼.

今日聽電視新聞講, 下星期初天氣會跌到去十五度以下, 所以真係要保重身體呀, 食多 d生果，　等身體多　ｄ維他命, 如果可以o既話, 就做 d 運動啦, 不過要小心, 唔好好似我咁, 整親就辛苦自己o架啦...

好想食o野呀!!!

由於前日跌到, 所以呢兩日都無跑步, 原先要去跑步, 係因為見呢排肥o左, 諗住做多d運動, 就使減唔到, 都唔希望肥返, 不過可能個天想我肥d, 所以呢兩日食得比平時多, 哈............ 雖然唔行得太遠, 但係我都走o左去樓下商場o既 KFC 買O野食, 食完雖然好飽, 但係都仲想食O野, 但係又怕更加肥, 所以算啦...唔好食啦.....不過我都去O左惠康買O左好多O野, 哈........ 魔鬼..快D走開呀.......我唔想再肥啦..........

2005年11月29日

我又出血啦...

頭先諗住煮?....點知整跌個碗, 當然即時玻璃四散啦....其中一片玻璃飛過我隻左腳o既腳面, 個傷口都成一寸,見到腳面果 d 皮分開o左, d血爸爸聲流出o黎, 我阿爸即刻?碘酒查我隻腳, 不過 d 血仍然係咁流, 跟住搵o左張大膠布貼好個傷口先至好d.
唉...都唔知做乜, 尋日跌到隻右腳, 今日再傷住隻左腳. 係咪玩o野呀!!!!!!

2005年11月28日

發生意外

痛....

今朝早去跑步, 唉............跑跑o下"cake"到石頭, 即刻跌低, 嘩.... 真係核特死..........唉.......如果係電視劇, o係呢個時候, 應該有一個高大威猛, 英俊靚仔o既男士走埋o黎扶我起身, 唉.......男人係有一個, 不過係個阿伯同埋兩個師奶, 佢地都好有心, 問我有冇事, 我就當然話無事啦, 即刻執返個眼鏡, 即時離開案發現場...啦啦聲走人, 行遠小小先坐低睇睇個傷勢, 嘩...個膝蓋開哂花, 出血呀.....唉...但係都唔敢即刻再行, 所以都坐o左一陣先行返屋企, 但係因為之前跑得太遠, 而我又慢慢行, 所以行o左四十五分鐘先行到返屋企.
一返到屋企, 就o係門口見到我阿媽, 我阿媽知我跌親, 真係嚇親佢, 不過我都同佢講唔係跌得太利害, 跟住佢先放心d. 之後就啦啦聲去洗傷口. 唉...條褲個膝蓋位都攔o左, 可想而知當時跌得都幾利害.
不過跌都唔係好傷, 有 d 朋友o既說話先令人傷, 我有個朋友, 知道我跌倒, 佢個死o野仲話我, 都幾十歲仲跑步, 條路都成日跑o架啦, 咁都跌, 我一聽到就覺得問候都無句, 仲咁樣話我, 你個死o野呀!!!!!! 真係心淡..............

不過anyway, 做人跌到就要識得起返身, 俾人話兩句, so...what.....我個死o野朋友仲話唔跌過點會大呀, 超...................!!!!!

2005年11月27日

又話起好o左??

我姨甥講緊o既小學, 將會o係零七年由屯門轉去黃金海岸果邊, 有家長就收到風話間學校已經起好o左, 零七年一定可以o係果邊返學, 但係今日我家姐一家人走o左去行山, 行o下行o下就行到去將會起學校果個地方, 但係學校就見唔到, 告示版就見到一個. 我家姐話睇個款零七年應該都起唔切多. 有相為証o架.
仲有間學校咁近馬路, 個環境都唔係咁好. 都係依家講緊果間好d.

D 蠔都幾好食..

今日因為我阿媽返大陸, 所以由我買?, 不過到o左六點幾我阿媽都返到屋企, 由於我就未煮過蠔, 所以就由我阿媽煮, 其他就由我煮.

我地依家多數都會加d紅米落d白米度一齊煮, 健康d, 不過 d 紅米好硬, 我每一次都要先將d紅米加水放入微波爐丁七分鐘, 等 d 米無咁硬, 好入口d. 紅米o糖粉無咁高, 有益d.

樓上果家人好麻煩!!

尋晚聽到半夜俾樓上o既嘈吵聲嘈醒, 唔知係咪打仔, 震到個天花板??聲, 跟住又聲到 d 鬧仔聲, 唉..跟住起身睇o下幾多點, 原來半夜三點幾, 真係你唔訓人地都要訓啦.......之後都仲未訓到, 唯有拎本書出o黎睇, 睇到眼訓先再訓過.
上樓上果家人果兩個死仔, 成日十一, 二點都仲係到推?, 真係好黑人憎!!!!

好飽呀!!!!

尋晚去o左朋友屋企打邊爐, 食呀....食呀...食..早幾日都仲話要減肥, 我怕唔係減肥係增肥呀.... 不過民以食為先. 食o左先啦...........食完先加油去減囉. 最多今朝食返小d.哈......

2005年11月25日

跑步要左閃右避

朝早落街跑步, 如果早過八點去跑, 就成條跑步徑都係人, 又有學生, 又有 d 師奶跳舞, 又有小販, 總之就一街都係人, 有d 人踩單車又唔用單車徑, o係條跑步徑度踩, 所以一路跑就一路左閃右避, 都係以前o係屯門跑舒服d, 無咁多人, 不過天水圍條跑步徑就長好多. 一來一回, 都要五十分鐘左右, 如果慢慢行都成個幾鐘頭o架. 不過我都跑得好慢o既, 可能人地唔使咁耐.