下星期天氣轉涼.

今日聽電視新聞講, 下星期初天氣會跌到去十五度以下, 所以真係要保重身體呀, 食多 d生果，　等身體多　ｄ維他命, 如果可以o既話, 就做 d 運動啦, 不過要小心, 唔好好似我咁, 整親就辛苦自己o架啦...

好想食o野呀!!!

由於前日跌到, 所以呢兩日都無跑步, 原先要去跑步, 係因為見呢排肥o左, 諗住做多d運動, 就使減唔到, 都唔希望肥返, 不過可能個天想我肥d, 所以呢兩日食得比平時多, 哈............ 雖然唔行得太遠, 但係我都走o左去樓下商場o既 KFC 買O野食, 食完雖然好飽, 但係都仲想食O野, 但係又怕更加肥, 所以算啦...唔好食啦.....不過我都去O左惠康買O左好多O野, 哈........ 魔鬼..快D走開呀.......我唔想再肥啦..........

我又出血啦...

頭先諗住煮?....點知整跌個碗, 當然即時玻璃四散啦....其中一片玻璃飛過我隻左腳o既腳面, 個傷口都成一寸,見到腳面果 d 皮分開o左, d血爸爸聲流出o黎, 我阿爸即刻?碘酒查我隻腳, 不過 d 血仍然係咁流, 跟住搵o左張大膠布貼好個傷口先至好d.
唉...都唔知做乜, 尋日跌到隻右腳, 今日再傷住隻左腳. 係咪玩o野呀!!!!!!

發生意外

痛....

今朝早去跑步, 唉............跑跑o下"cake"到石頭, 即刻跌低, 嘩.... 真係核特死..........唉.......如果係電視劇, o係呢個時候, 應該有一個高大威猛, 英俊靚仔o既男士走埋o黎扶我起身, 唉.......男人係有一個, 不過係個阿伯同埋兩個師奶, 佢地都好有心, 問我有冇事, 我就當然話無事啦, 即刻執返個眼鏡, 即時離開案發現場...啦啦聲走人, 行遠小小先坐低睇睇個傷勢, 嘩...個膝蓋開哂花, 出血呀.....唉...但係都唔敢即刻再行, 所以都坐o左一陣先行返屋企, 但係因為之前跑得太遠, 而我又慢慢行, 所以行o左四十五分鐘先行到返屋企.
一返到屋企, 就o係門口見到我阿媽, 我阿媽知我跌親, 真係嚇親佢, 不過我都同佢講唔係跌得太利害, 跟住佢先放心d. 之後就啦啦聲去洗傷口. 唉...條褲個膝蓋位都攔o左, 可想而知當時跌得都幾利害.
不過跌都唔係好傷, 有 d 朋友o既說話先令人傷, 我有個朋友, 知道我跌倒, 佢個死o野仲話我, 都幾十歲仲跑步, 條路都成日跑o架啦, 咁都跌, 我一聽到就覺得問候都無句, 仲咁樣話我, 你個死o野呀!!!!!! 真係心淡..............

不過anyway, 做人跌到就要識得起返身, 俾人話兩句, so...what.....我個死o野朋友仲話唔跌過點會大呀, 超...................!!!!!

又話起好o左??

我姨甥講緊o既小學, 將會o係零七年由屯門轉去黃金海岸果邊, 有家長就收到風話間學校已經起好o左, 零七年一定可以o係果邊返學, 但係今日我家姐一家人走o左去行山, 行o下行o下就行到去將會起學校果個地方, 但係學校就見唔到, 告示版就見到一個. 我家姐話睇個款零七年應該都起唔切多. 有相為証o架.
仲有間學校咁近馬路, 個環境都唔係咁好. 都係依家講緊果間好d.

D 蠔都幾好食..

今日因為我阿媽返大陸, 所以由我買?, 不過到o左六點幾我阿媽都返到屋企, 由於我就未煮過蠔, 所以就由我阿媽煮, 其他就由我煮.

我地依家多數都會加d紅米落d白米度一齊煮, 健康d, 不過 d 紅米好硬, 我每一次都要先將d紅米加水放入微波爐丁七分鐘, 等 d 米無咁硬, 好入口d. 紅米o糖粉無咁高, 有益d.

樓上果家人好麻煩!!

尋晚聽到半夜俾樓上o既嘈吵聲嘈醒, 唔知係咪打仔, 震到個天花板??聲, 跟住又聲到 d 鬧仔聲, 唉..跟住起身睇o下幾多點, 原來半夜三點幾, 真係你唔訓人地都要訓啦.......之後都仲未訓到, 唯有拎本書出o黎睇, 睇到眼訓先再訓過.
上樓上果家人果兩個死仔, 成日十一, 二點都仲係到推?, 真係好黑人憎!!!!

好飽呀!!!!

尋晚去o左朋友屋企打邊爐, 食呀....食呀...食..早幾日都仲話要減肥, 我怕唔係減肥係增肥呀.... 不過民以食為先. 食o左先啦...........食完先加油去減囉. 最多今朝食返小d.哈......

跑步要左閃右避

朝早落街跑步, 如果早過八點去跑, 就成條跑步徑都係人, 又有學生, 又有 d 師奶跳舞, 又有小販, 總之就一街都係人, 有d 人踩單車又唔用單車徑, o係條跑步徑度踩, 所以一路跑就一路左閃右避, 都係以前o係屯門跑舒服d, 無咁多人, 不過天水圍條跑步徑就長好多. 一來一回, 都要五十分鐘左右, 如果慢慢行都成個幾鐘頭o架. 不過我都跑得好慢o既, 可能人地唔使咁耐.

我個姨甥女

我姨甥女成為O左佢果班O既十一月禮儀之星, 哈... 睇相, 我覺得我姨甥女係最可愛果個. 哈...

靚唔靚呀?

我家姐差不多儲哂 7-11 迪士尼公仔, 將d公仔放埋哂一齊又真係幾靚, 如果叫我儲齊哂咁多隻, 一定無可能, 因為我唔好, 哈.. 因為我都好悶o架, 我又好小去7-11買o野, 最多都係買筒糖又或者買本雜誌, 要買多過廿蚊都好少, 如果個個都好似我咁, 7-11都好快執.

o...no...原來重O左幾磅

嘩....O岩O岩企上個磅, 原來肥O左幾磅, 嘩.....唔跑唔得啦.就快係我一生人中最重O既磅數呀....真係唔得掂, 起碼都要減返五磅呀!!!!
我呢排都唔係食好多O野O者, 點解會肥O左咁多O架!!!! WHY????
除o左跑步, 我諗食o野方面都要減小小啦.

跑步

我都停O左好耐無去跑步, 唉...個肚腩越O黎越大, 仲唔跑O下就不得了O架啦. 另外, 又見呢排天氣涼返 D, 而且又唔係好哂, 仲有為O左身體好D, 終於都跑返. 不過我都無乜信心可以KEEP住日日跑, 因為如果我知道如果當日係有街去O既話, 我就唔會去跑, 因為怕出街會好?, 頂唔順!!
希望今次跑返步可以減到個肚腩啦.

又有朋友生O左BB啦!

尋日去個朋友屋企睇佢個BB, 不過我朋友生呢個BB都可以話係心驚驚呀, 因為最近有O左O既時候, 去醫院CHECK, 又話BB好似有少少唐士縱合症O既現象, 嚇到死死O下, 好彩再CHECK 清楚, 証實唔係, 之後到就生O既時候, 我朋友又血壓高, 要開力生個BB出O黎, 到個BB出O左世, 個BB身體又好似有D問題, 因為話個BB無乜點重過, 跟住又要入醫CHECK, 醫生就話個BBO既腸對奶敏感, 所以唔吸收, 重入O左深切, 嚇到我朋友死死O下, 好彩最後都係無事, 前幾日終於有得返屋企, 不過個BB要食豆類O既奶粉. 不過 ANYWAY, 最緊要無事.
唉...有BB又驚, 無BB又驚, 真係都唔知應該生定唔生好. 做人真係煩啦.

仍然咁靚

我家姐十月廿幾號送o左d蘭花俾我地, 已經差不多一個月啦, d 花仍然咁靚, 我家姐話起碼可以靚一至兩個月, 睇o下d花可以靚到幾時..哈..

可口可樂廁紙套

日見到有可口可樂o既廁紙套換, 都幾得意, 而且十幾蚊就換到, 而且只係一個廁紙套就夠我同兩個姨生女玩一日, 因為我用個廁紙套帶上佢地個頭度同佢地影相, 當然我都有影啦, 哈.....真係搞笑.

雞包豆

呢 D 就係雞包豆啦, 淡色細粒果 D 係南北杏.

我家姐 D 朋友話用雞包豆煲湯好, 係去濕O既, 而且呢類豆好大粒, 好有口感, 我阿媽依家都會買呢 D 豆煲湯, 加 D 紅蘿蔔, 粟米, 豬骨就已經好好味O架啦. 而我阿媽今日就買O左龍利葉, 南北杏同雞包豆O黎煲湯. 不過依家就未飲, 但係我諗都好好味!!

公路跑步

今朝九點聽到街外好嘈, 望出窗外, 見到馬路上有好多人跑步, 唔知係乜O野O既馬拉松, 其實每年都有一至兩次, 都幾熱鬧O架. 我諗都冇幾百人參加, 依家咁O既天氣去跑步都好舒服.

真係快大.

今日去o左我大家姐屋企, 咁o岩佢地睇緊video, 而呢 d video 就係我兩個姨甥女滿月同一 d 歲幾, 兩歲o既片段, 睇返都好得意, 人都係細個o既時候最單純, 最得人吻, 雖然依家都得意, 不過就唔 show 你囉, 唔聽你講囉..唉..
聽怕過多幾年又唔同哂, 到時唔知仲理唔理我, 哈..

今日有兩雙麻雀飛入屋, o..no..

今日正當我上緊綱o既時候, 突然有個黑影o係我頭頂飛過, 嘩....嚇死我, 我最以為係飛蛾, 我即刻走出房, 再望返轉頭, 嘩....原來係麻雀呀, 呀.....嚇死我啦! 跟住隻麻雀飛o左去我阿媽間房, 嘩...仲緊, 原來唔係一隻, 係兩隻, 跟住我二家姐幫我趕返兩隻麻雀走, 但係隻賤雀?o左屎o係我阿媽張床度, 又?o左o係個?度, 嘩...好驚呀, 都唔知有冇飛禽流感, 我即刻將我阿媽張床d床舖拎去大清洗, 跟住洗地, 足足洗o左三次地, 唉..你兩隻賤雀.
另外, 聽講有麻雀入屋都唔係咁好, 我仲一入就入隻, 希望係負負得正啦...

又話聽日會涼返.

聽天氣報告講, 話聽日會涼返, 會由今晚25度跌到聽朝20度, 所以大家記住帶物外套啦, 話哂坐車都幾涼O架. 帶少件衫而感冒, 咁就唔底啦.
今日四, 五點仲落O左一場雨, 所以應該係有泠空氣吹到O黎, 不過我都希望涼小小, 夜晚都好訓D. 哈..

又要煮飯.

尋晚媽媽又打麻雀打到好晏, 所以又要我煮飯..我阿媽仲話訓練o下我, 煮多d, 唉... 我阿媽對我真係好好, 事事為我著想, 所以我都好俾心機煮, 睇o下幾時有手咁好口福可以食到我煮o既?, 哈...到時我唔知會唔會係七老八十呢..

去錦田BBQ

期六去朋友屋企 BBQ, 我朋友住錦田, 去到錦田, 見到有 D 地方, 俾我O既感覺好似返O左去八十年代O既香港, 好有懷舊feel, 不過感覺係好好, 雖然舊, 但係感覺好得意. 我好細個O既時候都住過錦田, 不過都已經係好耐以前O既事.... 依家都係住O係 D 高樓大廈, 要買O野都係去商場, 全部都新式O既店鋪, 同錦田完全唔同, 不過新有新好, 舊有舊好啦.

MAX 有新碟出啦!!

MAX O係 11月30日有新碟發行, 不過當然係o日本發行先啦, 香港幾時有就未知啦..

好熱呀..

呢排 D天氣真係古怪，　上個星期仲要帶物外套出街，　呢兩日又熱到出汗，　真係唔病就怪．．．
所以大家要保重身體呀！！！！

周身骨痛

呢幾日都周身骨痛, 個人又好似興 興地...應該都係感冒, 聽日都要去睇醫生..唉...真係麻煩... 搞到連街都無得出, 悶到爆炸.....
今日睇報紙, 印尼o既禽 流 感有可能係人傳人, 如果係o既話......相信死得人多. 從以前o既曆史知道, 流感大爆發, 每次都死幾百到幾千萬人, 而今次o既流感, 暫時都未有正確o既孳物能夠醫治, 所以一爆發, 真係會死好多人....真係得人驚, 比沙士更可怕. 人就算有幾叻, 都係對抗唔到大自然.

阿媽的手信

我阿媽總於返o左o黎啦, 仲一人買o左一個手袋, 我大家姐一見到就話咁師奶, 哈... 我就覺得我阿媽叻o左啦, 以前買果 d o野仲得人驚. 今次呢 d 叫好好啦. 佢話今次去玩, 玩得好開心, 因為有當地人帶佢地去一 d 旅行社唔會找你去o既地方玩, 而且買o野亦都好平. 所以好開心. 不過玩咁多日, 佢都好?, 如果頂得住, 佢都話想玩多兩日呀... 佢真係好精力過我呀. 我有佢一本都好啦.....

數字遊戲

依家睇雜誌, 間唔中都睇到有 d 數字遊戲, 我都試過玩, 不過玩o左一陣就放棄, 你地有冇玩呀??