大年初二

今天一早起來便掃地, 洗地, 哂衫, 真係努力, 哈... 由於昨日唔可以掃地洗地, 所以今朝地上已很污漕, 還有今天亦有朋友來拜年, 所以拿拿聲執屋, 另外因為我今天也約了朋友去睇電影, 所以亦都拿拿聲洗頭, 換衫, 之後搞好哂去戲院, 由於時間尚早, 所以仲有好多飛買,而我今日睇o既戲係魔幻王國：獅子?女巫?魔衣櫥), 片長都有成兩個多小時,其實成套戲唔可以話好好好精彩, 而且最初果半小時都有 d 悶, 但係故事本身都幾好, 但係拍攝方面比較長, 如精簡d就更加好, 片中四個童星都做得好好, 尤其是最細果個小妹妹, 我覺得佢做得最好, 好自然, 唔做作, 令人睇得好舒服, 仲有令人印象比較深o既, 就係果隻獅子, 電腦效果做得好真, 唔會做到怪怪地咁, 另外呢套戲人情味重, 好o岩大人, 小朋友睇. 不過由於要睇兩個幾鐘, 所以睇到個幾鐘已周身骨痛, 好?......不過都算唔錯, 好睇過哈利波特", 哈.... 之後睇完再去了食下午茶, 由於都差不多五點, 所以好多茶餐都賣完了, 最想食o既豬扒飽都已經賣完, 真係令人失望, 所以求其買d o野食完就算了, 跟住再行o左一陣就返屋企啦...