下星期六是我的姨甥女阿瑜十一歲的生日, 剛巧她們一家今天會來我家吃飯, 另一方面又怕她們下星期不知是否真的來吃飯, 所以今天預早跟阿瑜搞生日, 生日最緊要有什麼呢?? 哈.. 當然是生日蛋糕啦!! 於是我就和家姐跟姨甥女一起做蛋糕, 所以今天忙了一整天, 今天做的是朱古力餅底的雜果蛋糕, 不過不知是否加了可可粉, 餅底比較硬, 比平時做的雞蛋味蛋糕硬一些, 所以下次都是不加可可粉, 但今天的蛋糕外形比較可愛, 哈.. 因為是為阿瑜而做的, 當然要加些得意的公仔在蛋糕上, 幸好做完之後阿瑜亦很喜歡這個大家一起做的蛋糕. 在此亦祝阿瑜生日快樂, 身體健康, 每天都開心快樂, 當然學業進步亦很重要啦. 希望她今個學期考試成績有進步啦.
4 則留言:
那些Kitty貓的公仔是可以吃的嗎?用甚麼做成?
HELLO 貓是買回來的, 哈... 可以吃的. 不過要做都應該做得到, 只要有個公仔模就可以了.
哈哈...睇相真係幾似出面買....(讚緊我地)係個餅底硬d...但味都不錯?...整個餅其實最考工夫係寫字~~~手都震呀..哈哈~~下次再努力~~~ee
都係果支朱古力筆, 實在太難寫啦. 不過都係唔買啦.用牛油紙整支筆好過啦. 又平又容易控制.
另外, D CREAM 都係打得麻麻地, 好似"希"O左少少. 不過我相信下次再做一定會做得更好.
發佈留言