阿寶去打針

今日帶阿寶去打防疫針, 呢一次都係阿寶第一次去睇醫生, 我地去o左網上朋友介紹o既元朗東方獸醫診所, 去到姑娘睇o左一d關於阿寶o既資料, 不過阿寶由坐車到去到診所, 全程都係震震震...好驚呀!!! 平時o係屋企一同佢玩就係咁交人, 但係頭先全程都無交我地同抓我地, 哈...可想之知佢幾驚!! 我地等o左一陣就去見醫生啦. 醫生係一個印度人, 佢話阿寶心肺功能都好正常, 耳仔都無蟲, 不過就有 d 汚漕, 另外醫生話阿寶皮膚有 d 真菌, 不過話係好普遍唔係大問題, 只要攞藥水同藥膏同佢渣下就得o架啦. 跟住醫生就同阿寶打防疫針, 打落去都好地地, 不過一將d針蚊返出o黎, 阿寶就大叫一聲, 我知道會有 d 痛o架啦, 不過o黎緊將會打多兩次o架, 阿寶你要忍下啦!! 打完針再食杜蟲藥, 阿寶好叻呀, 無嘔返 d 藥出o黎, 姑娘都話佢叻仔. 姑娘話呢幾日要留意佢 d 便便有冇白色o既蟲, 如果無就唔再杜住. 但係如果阿寶 d 皮膚病無乜好過就要過兩星期再去睇多一次啦. 希望阿寶d 皮膚病快 d 好啦!