牛一

尋日做俾好朋友o既唧花牛油曲奇.

尋日係我o既牛一大日子, 哈...又大一歲啦. 我班好朋友約o左我去荃灣霸王山莊]食飯, 不過d份量碟碟都好少, 我地食完第一輪都唔係好飽, 所以要叫第二輪, 連第二輪都食哂先至叫做飽飽地, 另外, d o野食o既水準一般, 比想像中差d, 酸辣湯好酸, 蟹粉包又唔鮮, 總之就一般過一般, 雖然食物麻麻, 但係都無損我地傾計o既心情, 成晚都笑到肚痛, 之後食飽同笑飽之後再去o左[許留山]食甜品, 食埋甜品就真係飽到上個喉嚨, 之後大家都抱住個大肚臍返屋企.

尋日都做o左 d 曲奇俾我呢班好朋友, 因為我都一樣未整過o野食俾佢地食, 所以尋日整俾佢地試試, 不過尋日做o既曲奇方法同以前唔同, 今次係跟Katy & Betty Kitchen 呢個網做, 效果非常好, 做出o黎o既曲奇好鬆脆, 大家有興趣都可以上去呢個網度試試. 希望我呢班好朋友鍾意食啦.

生日都要許個願啦, 我o既願望當然係身體健康啦. 每一日都開心快樂!!!!