坐低

打到O黎啦......今日晏晝兩點半掛起八號風球, 我屋企呢邊暫時D風都唔係好勁, 聽講今日六點幾應該最接近香港, 估唔到等O左大半年都無打風, 一打就連續兩個, 今日仲掛埋八號, 返工O既朋友可以早D收工, 多幾個鐘頭假放. 我 D 朋友九成都O係兩點半已經走人啦, 仲有兩個唔拾得走, 哈....其實係掛住傾計又怕搭車多人, 所以未走住.
我呢邊咁得閒就同阿寶影O下相, 阿寶依家好叻, 我地教佢坐低(SIT), 因為最初係阿媽要佢坐低, 所以阿寶經過呢幾日不停咁聽到阿媽要佢坐低, 依家阿寶都識識地啦, 叫十次都有四, 五次肯坐低, 尤其是俾O野佢食O既時候就更聽話啦. 哈.. 其實阿寶都叻O架, 悶O既時候就會走O黎搵我, 然係叫幾下, 即係要我同佢玩, 其實依家佢叫親我, 唔係肚餓就係要玩, 多數都係呢兩樣, 所以好容易知佢幾時肚餓. 佢真係好似個細佬咁, 我搞鬼~
P.S. 阿寶唔識聽SIT O架, 淨係識聽坐低O架咋!!! 哈....


表情多多, 唔搞乜鬼.

阿寶你條脷都幾長喎.

呢張係度諗緊o野.

佢企o左個梳代隔離要我同佢玩.