惡死神仙魚

尋日約o左好友去旺角行街, 因為好友想買牛仔褲, 最後好友買o左兩條褲, 而我亦買o左兩條, 哈...真係開心, 之後我地去o左金魚街睇熱帶魚, 因為之後屋企養果 d魚仔買少見買少，　都係時候入返　ｄ貨, 所以順便去睇埋. 由於 揀d唔會打交ｏ既魚，　選擇亦都少ｏ左，　最後都係揀返紅燈，　神仙同埋迷奇，　買ｏ左三大包．　返到屋企拿拿聲將三包魚放入魚缸度　等ｄ　魚適應水壓，　過ｏ左幾個鐘頭之後先將　ｄ魚倒出o黎, 不過養o左好耐果條神仙魚可能一時間唔適應多o左咁多魚, 不停咁追 d 新魚o黎叮, 到o左今朝發現死o左一條紅燈, 不過死一條都算係好好彩, 相信o黎緊呢幾日都仲有魚會死, 希望唔好死咁多啦!!!