睇醫生

尋晚食完藥之後, 到今朝仍然係無乜好轉, 所以今朝一早九點幾就走去睇醫生, 其實以前會出返去屯門睇返睇開果個醫生, 但係實在唔想去咁遠, 所以去返屋企樓下商場度睇就算啦.. 商有三間診所, 一間休息, 另一間就鬼影都唔見多個(無客), 另一間就見有四, 五個人o係度等緊, 所以都係去間有人睇o既好似穩鎮d.
見到 d病人個個都ｏ係度咳，　我諗都係感冒o架啦. 可能呢排 d天氣轉啦，　所以特別容易病．　我坐o左都唔使十分鐘就有得見醫生啦. 不過都係好求期問幾句, 有邊度唔舒服, 聽下個背脊, 問下有冇藥物敏感, 最後就係話食飽先好食藥, 之後就等攞藥囉.
由於今日約o左去朋友屋企大食會, 所以我都唔敢食醫生開果 d 藥, 我怕食o左會好眼訓, 都係食依 d 成藥先, 等玩完今晚返屋企先食醫生果 d 藥啦.