GRACE樂園: 08.2007

2007年8月31日

藍苺芝士蛋糕

今日睇完醫生就返屋企整蛋糕, 點知返到屋企先發覺 d 忌廉芝士原來唔夠用呀...得返幾十克, 唉...又要走返落街買, 真係麻煩之前買o左 d 脆餅諗住試下做脆餅底, 今日做o既係藍苺芝士蛋糕, 之前都係用麥維他消化餅, 今次就試下用脆餅底, 不過唔知係咪整得麻麻, 我都係鍾意食消化餅底多d. 另外, 今日整餅時已經落少o左糖, 但係整好試食都係甜o左少少. 事關我真係食得好淡..下次要再落少 d 糖先得.

登...登..登....做好啦.

切開o黎試下先.

餅底.

忌廉芝士打好後再加入藍苺漿再打.

拌好啦.

再加入淡忌廉再拌勻. 之後加入魚膠水拌勻放入餅模放入雪柜雪凍就完成啦.

2007年8月30日

今日得意相

我想影一d阿寶o既有趣表情, 所以我發出一d怪聲, 阿寶即刻覺得好奇怪, 做出以下o既表情, 哈...

發生乜事, 係乜o野聲o黎o架?

仲有聲o既??

邊個??

原來係 GRACE. 嚇得我呀.

個心都定D.

再玩過.

有靜亦有動

尋日將阿寶靜ｏ既一面大家都見過啦．　今日再將阿寶動ｏ既一面送俾大家，　阿寶一生出ｏ黎最愛ｏ既係乜，　咪就係〔咬〕囉．　你到睇下佢咬到幾肉緊．　佢平時都好鍾意咬我地　ｄ手手腳腳, 所以依家會俾 d 公仔佢咬, 費時佢走o黎咬我地.

2007年8月29日

食飽就訓, 推極都無反應!!

阿寶食飽就訓, 訓飽就食, 今日見佢訓o左, 於是就用我部舊相機同佢拍下 video, 佢訓到無o左反應, 於是我用個 HELLO 咪咪推下佢, 不過佢一樣無反應, 喂...有冇咁好訓呀.

用返部舊機同阿寶影相

舊機都弱點，　就係解像唔夠高．不過顏色真係好過我新果部好多．

今日諗住同阿寶影相, 點知新機 d電用哂，　所以拎返舊果部富士出ｏ黎影，　都係我呢部舊機影出ｏ黎ｏ既相靚ｄ．　就以色彩ｏ黎計已經好好多．　唉．．．新果部ｏ係呢方面就差好遠好遠啦．．．　不過舊機開始有毛病，　唔買過部新頂替都唔得啦．　不過新果部機無我想像中咁好之麻．．．但係唔買都買ｏ左幾個月啦．　無法啦．

好啦．　就將我今日用舊機同阿寶影ｏ既相同大家分享啦．

2007年8月28日

月全蝕

原本月曆上面都有寫今日月全蝕o架.

食緊飯o既時候開始月蝕啦.

又蝕多o左啦.

呢張蝕哂.

2007年8月27日

又覆診喻!

醫生就係俾o左呢支藥膏我.

今日又要去QE 覆診, 今次覆O既係內科, 原本下星期先覆診O既, 不過前幾日收到醫院打電話O黎通知話醫生將會去旅行, 所以改早一個星期覆診, 我心諗仲好, 因為9月3號D學生返學喇!! 到時撘車一定勁多人, 所以今日去覆診仲好. 不過今日都等O左好耐先見到醫生,早幾日隻手俾d 唔知乜o野o野咬到又紅又有水泡又好痕,　我都費時影俾大家睇，　費時令大家不安，　於是今日見到醫生都同醫生係咁　ｅ　講句，　醫生就開支藥膏俾我，　希望快　ｄ好啦. 其實方面都ok o既, 係 d血壓仍然高高地，　不過都好過以前　ｄｄ　啦．　所以都無乜特別，　下次覆診要到出年一月呀．　希望下次去到　ｄ血壓又可以低少少啦!!!

2007年8月26日

買o野俾阿寶

雖然支杜蟲藥上面係隻狗仔, 但係貓貓都食得o架.

係咪好襯阿寶呢!!! 同你一樣咁多毛o架.

坐低無幾耐阿寶就........開始訓啦. 哈...有冇咁舒服呀?!

不過訓o左無幾耐就走去玩喇!!

今日去O左剪頭髮, 可能係星期日, 髮型屋都幾多人, 我搵開果個師傅都好鬼忙, 等O左個幾鐘先到我, 不過我都只係剪頭髮O者, 一個鐘頭左右都搞掂, 之後O係髮型屋隔離有間寵物店, 我之前都想買 D杜蟲藥幫阿寶杜蟲，　所以入問問啦．　經店員介紹就買Ｏ左支杜蟲糖漿．　之後先約好友去食晏，　食飽飽之後又買Ｏ左　日用品, 另外O係日本城買O左張櫈墊俾阿寶坐, 哈....我實在太睇少阿寶, 我仲以為佢好細隻, 買到返屋企先知佢已經大隻O左好多, 坐埋個墊度已經唔夠坐啦. 不過算啦, 唔買都買O左, 阿寶你都坐住先啦. 第時再買過個大D靚DO既俾你.

2007年8月24日

朱古力包

未焗之前.

焗o左之後.

切開入面有 d朱古力粒，　好味道．

大家鍾唔鍾意食朱古力O既呢?? 我就好鍾意食, 不過白朱古力同牛奶朱古力就麻麻, 因為好甜. 都係黑朱古力比較好味道. 就係因為鍾意食朱古力, 所以今日做O左 D 朱古力包包. 又易做, 又好味.(我自己覺得好味, 哈..)
材料:(6個)
高筋粉 200克
糖 40克
蛋 20克
牛油 10克
乾依士粉 4克
奶粉 6克
可可粉 15克
老麵 40克
鹽 1克
暖水 100克
入爐朱古力 (因人而異, 鍾意食多D就落多D)
做法:
1) 將依士粉加入暖水中備用.
2)將高筋粉, 可可粉篩好再加入糖, 鹽, 奶粉, 蛋,老麵拌勻, 再加入依士水搓至麵糰有彈性不黏手, 再將牛油加入再差一會. 然後放入已掃油的盆內再蓋上保鮮紙發酵四十五至一個鐘頭.
3) 第一次發酵完後將麵糰壓平靜待10分鐘, 再分成六分做形.
4) 我就將朱古力加入三個麵糰內再封口. 另外三個就做紐紋包, 再放在已掃油的盆內蓋上保鮮紙再第二次發酵三十分鐘.
５) 第二次發酵完就在麵糰上掃上蛋漿.
６) 焗爐用200度預熱後, 將麵糰焗10分鐘即完成.

2007年8月23日

表哥表嫂o既BB出世啦!!!!

恭喜, 恭喜!!! 表哥O既仔仔O係八月二十一號出世啦. 哈... BB出世有八磅幾, 係呢度俾俾大家睇下BB個樣啦. 佢個樣又係好似表哥O架!!!

係呢度祝BB身體健康, 快高長大, 聰明伶俐,靚仔有型,孝順父母, 又錫家姐. 做個開心快樂O既人!

最尾呢張係婷婷出世果日影O架. 哈...同細佬似唔似呀.

落水寶

阿寶今日....佢今日......唉..............................................又跌o左落馬桶. 我以為佢跌過一次落馬桶佢就會小心d. 點知...................唉........又跌過. 為o左俾大家睇睇佢呢個自討苦吃o既樣, 所以我要影低d, 真係俾佢激死!!! 影完兩張相即刻請救阿寶, 馬上帶佢去沖涼. 唉...又沖涼...貓貓都唔使成日沖涼, 你就成日用 d 咁o既方法要人地同你沖涼...其實我知道佢係好唔想啦, 因為係一路沖一路叫救命, 仲抓到我流血, 我真係命苦, 你唔好再咁唔聽話啦.... 我唔想再俾你抓流血啦....