失控

阿寶越大越痴線, 唔使同佢玩佢都會自己一個O係度發癲. 我影O左佢失控O既情況. 其實成日都會見, 我地已經見慣. 我都好佩服有 D 人可以養好多隻貓貓, 如果幾隻貓一齊咁樣玩O既話, 真係頭都痛埋.

參觀新居

盈盈你好嗎?!

尋日o係CONNIE屋企整O既包.有腸仔同吞拿魚同埋一個俾盈盈食O既齋包包.

我地叫O既蕃茄豬骨湯底.

尋日去o左參觀好友o既新居, 順便去同好友個乖女盈盈玩, 話咁快盈盈都八個月大, 肥do do 好得意, 眼仔碌碌, 對於我地呢班姐姐好好奇, 續個續個望, 睇到眼定定. 真係 cute, 不過今次去好友屋企, 亦都係o黎整包包俾佢地試, 包包都係即整整食最好味, 不過我有朋友話我整個包要幾個鐘頭, 都晤知為乜?? 哈...係呀, 真係唔知為乜o架. 為興趣囉. 唔通為世界和平咩!!! 有時人就係咁o架啦. 做好多o野都唔知為乜, 總之唔好傷害人, 唔好做壞事咁咪得囉. 做完自己開心咪ｏｋ　囉．　
之後我就o係度做我o既包, 好友就係度打麻雀, 各自各精采, 尋日都算快手o架啦, 三個鐘頭就做好 d包包，好友試過都話好味，　哈．．．　話哂都係新鮮出爐，　熱辣辣緊好味啦~ (因為都係用湯種做，　所以又係超軟) 試完包包坐多一陣就出發去小肥牛大邊爐，　天氣開始有少少轉涼，　最好不過就係打邊爐，我地去到小肥牛已經見勁多人客，　　好彩之前　ｂｏｏｋ　ｏ左位，　唔係去到都有排等呀．　尋晚都食到好飽，　不過我就覺得味精好似多ｏ左　ｄ　ｄ．　不過出街食飯都預ｏ左係咁ｏ架啦．．．．　食飽飽就各自散啦．　我都好眼訓啦....快 d返屋企沖涼訓覺．．．　

湯種芝麻餐包

新鮮出爐湯種芝麻餐包

搓好麵糰發酵完第一次再做型.

第二次發酵亦完成啦.

拎去焗先.

焗好啦. 好靚呀.

開佢再加 d 芝士, 蕃茄, 火腿, 沙律漿. 大工告成.

之前成日上網見到一d blog友話用湯種o黎做包包, 可以做出超軟o既包包, 我都好想試下呀. 於是今日就試試啦. 不過其實見d blog友多數用湯種o黎做 d吐司，　不過我都無做吐司ｏ既模，　所以求其整個芝麻餐包試一試先．　另外，　亦ｏ係網上睇到有位　ｂｌｏｇ友做湯種o既超簡易方法, 不過真係唔好意思, 我唔記得o左果位blog友個blog呀??? 不過我就有寫低 d成份同做法．　　果然用湯種做出ｏ黎ｏ既包包真係好軟，　而且方便個用老麵，　所以第時我再做包，　都會用湯重取代老麵．　　
不過做完個芝麻餐包之後，　又好似悶悶地，　所以都係加埋　ｄ　蕃茄，　芝士，　火腿入去．　嘩．．．．真係實在太好味啦．　食完包都飽哂~~~
材料: 8個
高筋粉 250克
糖 30克
酵母 5克
牛奶 110克
牛油 20克
奶粉 8克
蛋 大o既半隻
湯種　80克(70克熱水加15克高筋粉拌勻待涼即可使用)

裝飾:
芝麻適量.

做法:
1) 將五克糖, 酵母加入奶中待五分鐘後用.
2) 高筋粉蒒好再將糖, 奶粉, 湯種, 蛋, 牛奶酵母拌勻再搓至不黏手及有彈性. 然後才將牛油加入再搓一會, 跟住將麵糰放入已掃油o既盆內,再蓋上保鮮紙發酵45分鐘.)
3) 取出麵糰壓平切開八份(每份約60克), 做型, 掃上蛋漿, 再加入芝麻, 然後再放o係盆內, 再蓋上保鮮紙作第二次發酵.
4) 第二次發酵完成之後, 將焗爐以200度預熱幾分鐘.
5) 麵糰用200度焗10分鐘. 完成.
P.S. 我發酵麵包O既方法係將焗爐調至最高溫大概一分鐘左右熄火, 然後將蓋上保鮮紙O既麵包放入焗爐內發酵, 咁樣會發酵得快 D．　溫度夠就唔怕包包發唔起啦)

去食齋

今日去O左佛堂食齋, 係因為佛堂有好多姑娘O黎諗經, 而諗經O既原因亦都係超道 D 亡魂其實已經諗O左幾日經O架啦. 今日好似係好大型O既化寶, 亦有齋食, 我阿媽叫我今日去食齋, 所以下晏就去O左佛堂, 不過可能今日唔係紅假, 學生亦都要返學, 所以到佛堂O既人並唔多.
每一次去佛堂食齋, 都會見到擺滿一台O既齋菜, 其實真係好誇張. 唔信大家可以睇睇相. 每一次都食唔哂, 不過食唔哂O既都會叫 D善信扲　Ｄ　返屋企Ｏ架．　　其實我都懶Ｏ左好多，　都少Ｏ左去佛堂．　真係唔應該呀!!!!　而佛堂裡面有位姑太已經有九十幾歲Ｏ架啦，　希望佢身體健康，　平平安安．

藍苺鬆餅

脫模俾大家睇個全相. 哈...


先將室溫牛油, 砂糖打至淡白色.

再將牛奶, 雞蛋再加入再拌勻.

倒入紙杯中, 再加入藍苺.

用180度焗20-25分鐘.

完成啦.

我都好耐無整鬆餅啦. 今日帶完阿寶去見醫生, 返o黎屋企就動生整o左呢款藍苺鬆餅啦. 因為我唔鍾意食太甜, 所以糖落得唔係太多. 如果鍾意食甜 d o既朋友可以落返多少少. 做法其實都好簡單, 做出o黎既鬆餅外面脆脆地, 裡面好鬼軟. 我自己就覺得好好味. 哈.. 細細杯, 好易食!!!
材料: 9個細紙杯 (其實如果倒得再滿少少, 應該係8杯, 我倒得唔夠多, 所以變o左9杯)
低筋粉 160克
糖 80克
牛油 80克
奶 50克
泡打粉 1 茶匙
梳打粉 半茶匙
雞蛋 2隻身
鹽 少許
新鮮藍苺 適量
做法:
1) 先將牛油)室溫), 砂糖打至淡白色.
2) 將牛奶, 雞蛋加內再拌勻.
3) 將低筋粉, 泡打粉, 梳打粉過篩後加入牛油漿內再拌勻. (不要拌得太耐, 見唔到粉粒就得o架啦.)
4) 將焗爐以180度預熱.
5) 將麵粉漿倒入紙杯中(7-8成滿), 再將藍苺加入.
6) 用180度焗20-25分鐘.

帶阿寶打第二次針

就係帶阿寶o黎呢度睇醫生同打針喇!!

阿寶有少少慌失失.

好明顯佢係有d驚.

話咁快阿寶o黎o左我屋企已經個半月啦, o係8月頭帶過佢去打防疫針, 話咁快又一個月啦, 所以今日又再帶佢去打針, 今次比上次鎮定dd, 無咁驚青, 不過又唔可以話係一 d 都唔驚, 哈...總之就好過上次啦. 今次我仲帶埋相機同佢影相, 大家睇下佢樣幾傻, 哈.... 由於診所無乜人, 我地o黎到無幾耐就見醫生啦. 醫生先同阿寶做檢查, 醫生話阿寶o既皮膚病好返啦,不過如果仲有藥膏未用完可以繼續同佢''查', 其他都好正常, 之後就幫阿寶磅重, 記得上個月同阿寶磅係550克重, 今次一磅, 姑娘都"嘩"一聲, 阿寶有1.3kg, 即係重過上個月成一倍有多, 姑娘都話佢重, 醫生話阿寶發展得好好, 哈...見阿寶咁健康我都好開心. 跟住我都問問醫生我隻手生癬o既問題, 順便問埋用緊果隻藥膏o岩唔o岩用, 醫生話o岩無問題, 咁我都放心d, 之後o係診所幫阿寶影o左幾張相後就走人啦. 等下個月再幫阿寶打第三支防疫針.

訓得不醒貓事

阿寶好多時都會訓得好冧, 推極都唔醒, 再俾多個真實情況俾大家睇下.

得獎啦!! 恭喜, 恭喜!!

笑到見牙唔見眼O既就係朗朗. 哈..佢係扮國王, 講[金手指]O既故事取勝O架.
按一按相片, 有幾秒 VIDEO 眼O架. 哈..


上星六好友 SALLY O既侄仔參加O左有線電視搞O既[2007年香港兒童競選大賽] 佢O係[開心趣緻組]中勇奪冠軍, 真係恭喜哂佢呀!!! 係今日O既蘋果日報都見到佢, 哈...
尋日出街都撞到朗朗同佢爸爸, 媽媽, 咁難得撞到當然要恭喜下佢啦. 同佢握下手, 哈...佢即刻好唔好意思咁, 哈...握完手即刻走人.
其實今次已經係佢攞第四次冠軍, 之前亦都係講故事比賽攞奬O既. 吹水都算係佢O既強行. 哈....佢真係好口齒伶俐O架.
希望朗朗O既人生會繼續咁精彩, 咁順利!!!!

叉燒餐包

登....登...登...登....叉燒餐包送到.

入面係咁O架.

搵O左個靚女試食.哈....好唔好味呀?!

靚女話好味. 哈....靚女=靚媽媽. 哈...

麵糰搓好, 第一次發酵.

你睇發得幾大. 哈..

加入叉燒再做型 .

第二次發酵.

又大O左啦.

焗埋. 靚靚.

尋日阿媽買O左 D 叉燒做餸, 不過食唔哂, 於是留返今日用O黎做叉燒包. 我都係第一次做叉燒包, 我諗應該唔會好難. 哈... 早排買O左包新O既酵母, 嘩...好好用喎, 我 D 包包發得好靚. 比起之前果幾次用O既乾依士粉好好多, 就係因為包包發得靚, 今次做出O黎O既叉燒包, 我自己都超滿意, 可以話係做咁多次包, 做得最好O既一次, 不過其中都有少少美中不足, 就係有兩個包收口收得唔好, 個包焗完之後都唔係好靚. 不過整體O黎講係好滿意O架. 做到 D 靚包包, 人都開心D.

麵糰材料:10個包包

高筋粉 300克
糖 45克
奶粉 9克
快速酵母粉 5克
鹽 少許
清水 90克
牛奶 60克
蛋 半隻
煉奶 6克
老麵 60克
牛油 15克

叉燒材料: 由於我無量重量, 所以全部都係估估下. 我唔寫重量啦.
包括, 叉燒, 老抽, 生抽, 蠔油, 麻油, 生粉, 清水.
A)將所有調味料於在一起拌勻.
B)叉燒做法, 將叉燒切粒, 炒香, 然後將所有調味料力入一起再炒, 炒至水份變杰就OK O架啦.
拉麵 糰做法:
1) 將5克糖, 酵母粉, 清水混在一起五分鐘備用.
2) 將高筋粉, 糖, 牛奶, 奶粉, 蛋, 煉奶, 老麵拌勻再搓至不黏手有彈性, 然後再將牛油加入再搓一會, 然後放在已掃上油的盆內, 再蓋上保鮮紙發酵四十五分鐘.
3) 將麵糰取出分成十份, 然後將麵糰壓平再將叉燒加入包好收口再放在已掃油的盆上再蓋上保鮮紙發酵三十分鐘.
4) 第二次發酵完成後, 掃上蛋漿.
5) 焗爐預先以200度預熱十分鐘.
6) 將麵糰放入焗爐中以200度焗10分鐘. (最好焗5分鐘左右轉一轉焗盆, 焗起來比較平均). 完成.

藍苺芝士蛋糕

今日睇完醫生就返屋企整蛋糕, 點知返到屋企先發覺 d 忌廉芝士原來唔夠用呀...得返幾十克, 唉...又要走返落街買, 真係麻煩 之前買o左 d 脆餅諗住試下做脆餅底, 今日做o既係藍苺芝士蛋糕, 之前都係用麥維他消化餅, 今次就試下用脆餅底, 不過唔知係咪整得麻麻, 我都係鍾意食消化餅底多d. 另外, 今日整餅時已經落少o左糖, 但係整好試食都係甜o左少少. 事關我真係食得好淡..下次要再落少 d 糖先得.

登...登..登....做好啦.

切開o黎試下先.

餅底.

忌廉芝士打好後再加入藍苺漿再打.

拌好啦.

再加入淡忌廉再拌勻. 之後加入魚膠水拌勻放入餅模放入雪柜雪凍就完成啦.

今日得意相

我想影一d阿寶o既有趣表情, 所以我發出一d怪聲, 阿寶即刻覺得好奇怪, 做出以下o既表情, 哈...

發生乜事, 係乜o野聲o黎o架?

仲有聲o既??

邊個??

原來係 GRACE. 嚇得我呀.

個心都定D.

再玩過.

有靜亦有動

尋日將阿寶靜ｏ既一面大家都見過啦．　今日再將阿寶動ｏ既一面送俾大家，　阿寶一生出ｏ黎最愛ｏ既係乜，　咪就係〔咬〕囉．　你到睇下佢咬到幾肉緊．　佢平時都好鍾意咬我地　ｄ手手腳腳, 所以依家會俾 d 公仔佢咬, 費時佢走o黎咬我地.

食飽就訓, 推極都無反應!!

阿寶食飽就訓, 訓飽就食, 今日見佢訓o左, 於是就用我部舊相機同佢拍下 video, 佢訓到無o左反應, 於是我用個 HELLO 咪咪推下佢, 不過佢一樣無反應, 喂...有冇咁好訓呀.

用返部舊機同阿寶影相

舊機都弱點，　就係解像唔夠高．不過顏色真係好過我新果部好多．

今日諗住同阿寶影相, 點知新機 d電用哂，　所以拎返舊果部富士出ｏ黎影，　都係我呢部舊機影出ｏ黎ｏ既相靚ｄ．　就以色彩ｏ黎計已經好好多．　唉．．．新果部ｏ係呢方面就差好遠好遠啦．．．　不過舊機開始有毛病，　唔買過部新頂替都唔得啦．　不過新果部機無我想像中咁好之麻．．．但係唔買都買ｏ左幾個月啦．　無法啦．

好啦．　就將我今日用舊機同阿寶影ｏ既相同大家分享啦．