蘭花

我一從都好鍾意蘭花, 不過就覺得好難種, 次次都係種瓜, 最近我家姐同我姐夫送o左盆蘭花俾我, 都好靚o架. 希望今次呢一盆可以種得成功啦!!!

今日休息一天

今日我老豆返大陸, 所以今日唔使煮飯, 可以休息一天. 真係開心, 哈..

今日超?..

連續煮o左五日飲, 真係有 d ?, 加上又出o下街, 就?上加?, 真係自己囉o黎... 不過日日o係屋企又覺得好悶......... 得閑都要見o下d朋友平衡o下. 唔係可能會痴線... o黎緊仲要煮多三日飯. 到阿媽去完旅行返o黎, 我就可以收工啦, 哈.... 等我媽煮返. 哈.. 其實煮?都唔係好難, 諗?就仲難. 日日都要唔同, 又要好味, 就真係難上加難. 所以所有媽咪都好利害, 又要照顧仔女, 老公, 又要洗衫, 洗地, 洗碗, 買煮, 煮飯, 教仔女做功課, 又要擔心仔女唔聽話, 老公出去包二奶, 嘩.............好辛苦呀.....
媽咪------你好勁呀!!!

我都要休息啦................ (不過咁?唔知訓唔訓到...)

今日係星期日, 當然要豐富d啦.

最近呢幾日都食得好清, 今日係星期日當然要整多兩味啦. 今日有新菜冬菇炆"鴨腳, 魚, 菜, 湯 食到好飽.... 不過最後都係得我同我老豆兩個人食, 另外果個又話唔食住, 留俾佢就得...真係黑人憎..... 最黑人憎係要我洗碗...

今晚得我同我老豆兩個人食咋...

今晚因為得我同我老豆兩個人食, 所以煮魚粥食, 不過我從未煮過, 平時見阿媽煮得多, 我就真係第一次. mm... 我就無我阿媽煮得咁好食. 不過我同我老豆兩個人都食哂成餐粥. 如果再咸小小就就 very good 啦. 哈.... 另外, 再炒o左個菜食. 當然最後都係得返個碟. 嘩...你都咪話我同我老豆唔大食. 哈...

又加唔到相片同clips o係文章度?!

又唔可以將 d相加入去文章度？？？　 等多一陣再試試先...

今晚紅綠橙

今晚所煮o既?分別三種唔開o顏色, 有綠色o既炒三粉, 橙色o既煮南瓜, 同埋紅色o既大眼雞番茄湯. 之前聽電台講, 話食唔好顏色o既食物, 對身體都好d. 南瓜對眼睛好, 所以我都食o左好多, 好飽呀......

今晚兩?一湯

今日係我阿媽去泰,國旅行o既第二天, 今日我就煮o左兩?一湯. 哈..
依家又要頭痛聽日買乜?....有冇好提意呀????????

屯門市鎮公園

早排行o左去屯門市鎮公園行o下. 我都好耐無去過, 於是用個手機拍o左小小相. 不過我個手機o既拍o既相比較差, 所以都唔係太情楚...

今晚煮乜??!

今晚煮O左兩碟?, 我自己都覺得合格. 一碟係煎魚, 我以前唔識煎魚, 煎親 D 魚都肉還肉, 骨還骨, 散哂... 今晚好彩得我大家姐教路, 終於可以完完整整煎到四條靚靚O既魚, 不過下次應該可以再好 D. 而另一碟, 原本想煮素菜, 但係又怕素過頭, 所以最後都係加O左 D 火腿入去. 不過到煮完之後, 都係覺得唔使加火腿入去都得. 味道方面我都覺得幾好. 又平, 哈....

做住八天家庭主婦

我媽媽同 d 師奶朋友今日去泰國旅行, 仲係去八日咁多, 佢就開心啦.... 我都好耐無坐過飛機啦...因為我阿媽其中一個朋友係泰國華僑, 所以除o左有幾天住酒店, 其他日子都會去人地屋企住o架.
由於我阿媽去 happy, 呢八天我都要做住全職家庭主婦, 掃地, 洗衫, 整返兩味, 全部都會由我做哂............ 其實整?唔煩, 最煩係買?, 都唔知買 d 乜o野?, 諗到頭痛, 今日第一日, 我都已經諗得好辛苦. 因為我老豆有小小糖尿病, 所以好多o野都唔食得, 所以難上加難.... 不過都叫好彩啦..我老豆有工開, 晏晝唔會o係屋企食, 如果唔係就連晏晝果餐都要諗住, 咁就真係頭暈啦.......
其實我就無我阿媽整得咁好食, 要我老豆張就o下, 哈....

阿媽生日

尋日係媽媽o既生日, 去o左屯門明星酒家食飯, 睇到佢地有 d 套餐都好底食, 二佰幾蚊, 已經有老火湯, 有魚, 有三個?, 而湯同?都有得揀, 而魚方面, 我地就揀o左條青斑(大), 如果揀唔同o既魚就再加錢, 我地另外再叫多三個?, 先後o黎o左幾個?都幾好, 不過就o黎得慢d, 之後條魚送到, 我家姐話條魚好大條呀, 我初初都半信半疑, 點知條魚真係大得好利害, 平時去飲都好似無咁大條, 所以我地都覺得好底食, d?o黎齊, 仲有甜品同生果, 咁多o野食都係五百幾蚊, 真係底!! 最重要係 d 味道都幾好. 所以都食得好開心.

天氣越O黎越涼

秋天已到, 冬天亦都迫近, 依家訓覺連風扇都唔使開, 涼涼地好舒服, 不過早同晚O既溫差都幾大, 所以大家都要小心身體, 因為依家都係流感O既高峰期, 好多人感冒, 我姨甥女O既同學, 有好多都感冒, 有 D 仲係乙型流感, 所以大家真係要小心.!!!
保重身體!!! 我呢幾日都有 D 周身骨痛...都唔知係咪已經受感染.到.. O..NO.....拿拿聲都食返兩粒藥, 免得到時辛苦呀.......

幾日都上唔到綱!!!

呢幾日和記唔知發乜神經, 幾日都上唔到綱, 追o左幾次, 等到今o岩o岩先至上到綱, 最近都係咁, 無啦啦上唔到綱, 不過多數幾個鐘頭就無事, 但係今次就離譜d, 差不多二日幾上唔到綱. 真係麻煩!!!!!

輕鐵死變態佬

今日我阿媽去完街坐輕鐵返屋企O既時候, 坐到去天耀村, 突然有個女人發現有個三, 四十歲O既男人O係度玩自己隻"雀仔", 仲玩到地下都濕埋, 實在太很人驚... 跟住條死佬俾人發現O左, 見個車門一開即走人, 嘩............呢個乜O世界, 我阿媽話當時部輕鐵有好多人, 坐到落哂, 個死佬企O係度玩......真係不知所謂..唔死都無用, 鬼唔望佢下次俾人拉呀...死變態佬.......

神 舟 六 號升空

今朝早九點睇住電視真播神 舟 六 號升空, 實在太勁, 雖然係比美國, 俄羅斯遲o左幾十年, 但係我相信好快就可以追到佢地, 我地中國人o既實力真係好強, 如果個個都係行善事, 唔去偷, 唔去死人, 放火, 唔做假o野, 我諗我地o既中國就更加好, 更加正.

BBQ

劉星花園
尋晚因為有朋友生日, 所以約o左去龍鼓灣o既"劉星花園" 燒o野食, 原本都唔知去邊間燒好, 因為都有好多間揀 行o黎行去, 一 d 朋友就話呢間唔好, 一 d就話果間唔好，　有d 就話有垃圾箱好臭... 總之就行o左一輪先至決定去呢間"劉星花園", 其實對上一次BBQ咪就係去呢間囉......真係吹脹... 哈...
食物方面, 都係一般O既啦.. 我最鍾意食O既係蒜蓉飽, 因為 D 蒜蓉係自己加O既, 我就加好多, 好多, 一路燒, 一路加蜜糖, 嘩....實在太好食啦, 我都食O左好多, 真係肥死.... 所以今朝走O左去跑步, 瘦唔到都唔想肚呀...

另外, 尋晚真係玩得好開心, 雖然我覺得好?, 但係我諗五分鐘一小笑, 十分鐘一大笑, 我由好?要坐埋一邊休息, 之後都笑到精神返, 真係開心能醫百病. 哈....

減肥方法

今朝聽電台o既時候, 聽到劉綽淇講一種減肥o既方法, 佢話每日o係三餐之前做十分鐘運動, 比起一日一次過做三十分鐘運動更容易減到肥, 因為呢種方法對新陳代謝更好. 不防試試呀,

親切的金子

呢套好似幾好睇咁, 雖然都係無配音, 不過應該都會睇, 最多到時問朋友睇 d 乜囉.

午夜驚魂

尋晚訓到點幾鐘, 無啦啦"PON"一聲, 嚇到即刻彈起, 一開燈, 只係見到一地都係玻璃, 原來電腦個 filter 鬆o左, 成個跌o左落地, 唉....當然跌爛哂啦..... 即刻走去拎掃把, 將 d 玻璃掃乾淨, 掃完成個人都精神哂, 跟住都訓唔到, 之後唯有睇書, 睇到眼訓再訓過.....
不過應該都唔會再買 filter, 因為個monitor 都用o左好耐, 而且有時痴痴地, 所以遲早都要買過個新o既 monitor, 所以慳返廢時買.

2005國慶煙花

尋晚雖然無去睇煙花, 只係o係電視度睇, 但係都覺得尋晚 d 煙花好靚, 好有特色, 同以前睇開果 d 好似有 d 唔同. 無咁單調. 我都好耐無現場睇煙花啦...人太多, 好怕迫....

國慶

今日係10.1國慶, 你地有 d乜野好節目呢??? 我都係同平時一樣, 約o下朋友食晏, 行街, 行到腳仔?..... 買o左兩本書, 一本(特里莎麼麼, 即係德蘭修女,)哈....同(手掌健康治療), 因為係大陸書, 兩本加埋都係四十一蚊, 好平!!! 我依家大多數都係買大陸o既書, 因為價錢真係差得太遠......三至五倍左右啦.....