今晚煮乜??!

今晚煮O左兩碟?, 我自己都覺得合格. 一碟係煎魚, 我以前唔識煎魚, 煎親 D 魚都肉還肉, 骨還骨, 散哂... 今晚好彩得我大家姐教路, 終於可以完完整整煎到四條靚靚O既魚, 不過下次應該可以再好 D. 而另一碟, 原本想煮素菜, 但係又怕素過頭, 所以最後都係加O左 D 火腿入去. 不過到煮完之後, 都係覺得唔使加火腿入去都得. 味道方面我都覺得幾好. 又平, 哈....

做住八天家庭主婦

我媽媽同 d 師奶朋友今日去泰國旅行, 仲係去八日咁多, 佢就開心啦.... 我都好耐無坐過飛機啦...因為我阿媽其中一個朋友係泰國華僑, 所以除o左有幾天住酒店, 其他日子都會去人地屋企住o架.
由於我阿媽去 happy, 呢八天我都要做住全職家庭主婦, 掃地, 洗衫, 整返兩味, 全部都會由我做哂............ 其實整?唔煩, 最煩係買?, 都唔知買 d 乜o野?, 諗到頭痛, 今日第一日, 我都已經諗得好辛苦. 因為我老豆有小小糖尿病, 所以好多o野都唔食得, 所以難上加難.... 不過都叫好彩啦..我老豆有工開, 晏晝唔會o係屋企食, 如果唔係就連晏晝果餐都要諗住, 咁就真係頭暈啦.......
其實我就無我阿媽整得咁好食, 要我老豆張就o下, 哈....

阿媽生日

尋日係媽媽o既生日, 去o左屯門明星酒家食飯, 睇到佢地有 d 套餐都好底食, 二佰幾蚊, 已經有老火湯, 有魚, 有三個?, 而湯同?都有得揀, 而魚方面, 我地就揀o左條青斑(大), 如果揀唔同o既魚就再加錢, 我地另外再叫多三個?, 先後o黎o左幾個?都幾好, 不過就o黎得慢d, 之後條魚送到, 我家姐話條魚好大條呀, 我初初都半信半疑, 點知條魚真係大得好利害, 平時去飲都好似無咁大條, 所以我地都覺得好底食, d?o黎齊, 仲有甜品同生果, 咁多o野食都係五百幾蚊, 真係底!! 最重要係 d 味道都幾好. 所以都食得好開心.

天氣越O黎越涼

秋天已到, 冬天亦都迫近, 依家訓覺連風扇都唔使開, 涼涼地好舒服, 不過早同晚O既溫差都幾大, 所以大家都要小心身體, 因為依家都係流感O既高峰期, 好多人感冒, 我姨甥女O既同學, 有好多都感冒, 有 D 仲係乙型流感, 所以大家真係要小心.!!!
保重身體!!! 我呢幾日都有 D 周身骨痛...都唔知係咪已經受感染.到.. O..NO.....拿拿聲都食返兩粒藥, 免得到時辛苦呀.......

幾日都上唔到綱!!!

呢幾日和記唔知發乜神經, 幾日都上唔到綱, 追o左幾次, 等到今o岩o岩先至上到綱, 最近都係咁, 無啦啦上唔到綱, 不過多數幾個鐘頭就無事, 但係今次就離譜d, 差不多二日幾上唔到綱. 真係麻煩!!!!!

輕鐵死變態佬

今日我阿媽去完街坐輕鐵返屋企O既時候, 坐到去天耀村, 突然有個女人發現有個三, 四十歲O既男人O係度玩自己隻"雀仔", 仲玩到地下都濕埋, 實在太很人驚... 跟住條死佬俾人發現O左, 見個車門一開即走人, 嘩............呢個乜O世界, 我阿媽話當時部輕鐵有好多人, 坐到落哂, 個死佬企O係度玩......真係不知所謂..唔死都無用, 鬼唔望佢下次俾人拉呀...死變態佬.......

神 舟 六 號升空

今朝早九點睇住電視真播神 舟 六 號升空, 實在太勁, 雖然係比美國, 俄羅斯遲o左幾十年, 但係我相信好快就可以追到佢地, 我地中國人o既實力真係好強, 如果個個都係行善事, 唔去偷, 唔去死人, 放火, 唔做假o野, 我諗我地o既中國就更加好, 更加正.

BBQ

劉星花園
尋晚因為有朋友生日, 所以約o左去龍鼓灣o既"劉星花園" 燒o野食, 原本都唔知去邊間燒好, 因為都有好多間揀 行o黎行去, 一 d 朋友就話呢間唔好, 一 d就話果間唔好，　有d 就話有垃圾箱好臭... 總之就行o左一輪先至決定去呢間"劉星花園", 其實對上一次BBQ咪就係去呢間囉......真係吹脹... 哈...
食物方面, 都係一般O既啦.. 我最鍾意食O既係蒜蓉飽, 因為 D 蒜蓉係自己加O既, 我就加好多, 好多, 一路燒, 一路加蜜糖, 嘩....實在太好食啦, 我都食O左好多, 真係肥死.... 所以今朝走O左去跑步, 瘦唔到都唔想肚呀...

另外, 尋晚真係玩得好開心, 雖然我覺得好?, 但係我諗五分鐘一小笑, 十分鐘一大笑, 我由好?要坐埋一邊休息, 之後都笑到精神返, 真係開心能醫百病. 哈....

減肥方法

今朝聽電台o既時候, 聽到劉綽淇講一種減肥o既方法, 佢話每日o係三餐之前做十分鐘運動, 比起一日一次過做三十分鐘運動更容易減到肥, 因為呢種方法對新陳代謝更好. 不防試試呀,

親切的金子

呢套好似幾好睇咁, 雖然都係無配音, 不過應該都會睇, 最多到時問朋友睇 d 乜囉.

午夜驚魂

尋晚訓到點幾鐘, 無啦啦"PON"一聲, 嚇到即刻彈起, 一開燈, 只係見到一地都係玻璃, 原來電腦個 filter 鬆o左, 成個跌o左落地, 唉....當然跌爛哂啦..... 即刻走去拎掃把, 將 d 玻璃掃乾淨, 掃完成個人都精神哂, 跟住都訓唔到, 之後唯有睇書, 睇到眼訓再訓過.....
不過應該都唔會再買 filter, 因為個monitor 都用o左好耐, 而且有時痴痴地, 所以遲早都要買過個新o既 monitor, 所以慳返廢時買.

2005國慶煙花

尋晚雖然無去睇煙花, 只係o係電視度睇, 但係都覺得尋晚 d 煙花好靚, 好有特色, 同以前睇開果 d 好似有 d 唔同. 無咁單調. 我都好耐無現場睇煙花啦...人太多, 好怕迫....

國慶

今日係10.1國慶, 你地有 d乜野好節目呢??? 我都係同平時一樣, 約o下朋友食晏, 行街, 行到腳仔?..... 買o左兩本書, 一本(特里莎麼麼, 即係德蘭修女,)哈....同(手掌健康治療), 因為係大陸書, 兩本加埋都係四十一蚊, 好平!!! 我依家大多數都係買大陸o既書, 因為價錢真係差得太遠......三至五倍左右啦.....

孔聖誕

今日聽到我個姨甥女話聽日放假唔哂返學, 我問佢點解唔使返學呀?? 佢話唔止聽日唔使返, 今日都放早O左, 五點就放學啦.. 佢話因為聽日係孔聖誕, 所以唔使返學, 我都唔記得我做學生1O既時候有冇呢D假放, ANYWAY, 有假放就係人都開心, 佢星期六又係短周, 所以可以連放三日, 真係開心.其實依家 D小朋友真係好幸福，　又多人吻，　又多Ｏ野玩，　又多Ｏ野學，　佢地Ｏ既生活真係多采多姿！！

再說一次我愛你

o黎緊十月有新戲上, "再說一次我愛你", 係由劉德華, 阿SA, 楊采妮主演, 好似好浪漫咁呀. 不過又似係一D要你流眼淚O既戲, 我諗呢套我都會去戲院睇.

官方綱頁
十月二十號上演.

POST 到相片啦..

今朝早再試試可唔可以 POST相片, 終於都成功啦.

仍然 POST 唔到相片同CLIPS

O岩O岩再試過, 但係都係 POST 唔到相片, 都唔知點解????

珩珩七歲生日

尋日係我家姐個細女珩珩生日, 話咁快就七歲啦, 依家讀緊小學二年班, 尋晚姐姐都好聽話, 無發脾氣, 仲笑容滿面同珩珩一齊唱生日歌, 珩珩今年一定有運行啦, 哈... 我祝珩珩快高長大, 身體健康, 學業進步, 同姐姐和睦相處, 快快樂樂. Happy BIRTHDAY TO HENG HENG!!!!

呢個三號風球都算打得耐

由星期六轉o左做三號風球, 直到依家(星期日夜晚11:00)仍然係三號風球, 我諗都打o左有三十個鐘頭以上, 真係長氣, 依家d風力仍然好強, 不過睇怕聽日都該落波啦o卦.... 成日等到星期六, 日, 放假先o黎打風. 個天真係好鍾意玩人, 不過香港都係一個福地, 每次打風都唔會有太大o既損失, 真係好好彩.

你真超人做完啦!!

其實呢排都無乜夜媽媽聽電台, 多數都睇完電視就沖涼訓覺, 不過尋晚就有 d 心血來潮, 打開個收音機o黎聽"你真超人", 諗住聽o下今晚有 d 乜o野嘉賓, 點知尋晚原來係最後一集, 嘉賓係譚詠麟 , 另外就不停叫 D 聽眾打電話O黎傾計, 有 D 都幾好笑, 不過都有 D 可惜, 因為呢個節目都幾好聽, 得閑請 D 明星上O黎傾計, 記得好似劉嘉玲, 韓瑪莉, SOLAR, 陳敏兒, 毛舜 筠, 張天愛, 容祖兒..... 都幾好聽, 講返一 D 從來都未聽過O既O野, 尤其是一 D 二, 三線演員O既E演員, 好似李國麟 咁, 原來做O左廿幾, 三十年都未試過接受電台訪問, 所以都幾好聽. 會發覺好多演員做戲同真人原來係好唔同, 我以為韓瑪莉係好精明O既人, 原來佢話佢自己唔係, 完全無計劃O既, 又或者以為毛舜 筠咁成日都哈哈大笑, 好似好開心咁, 原來都曾經迷失過, 而且呢個節目係D明星自己講返, 唔似 D 雜誌老作, 所以可聽性更高, 但係任何事都係有完結O既時候, 呢個節目都係. 好節目就係難尋.可惜, 可惜......不過仲有好集係未聽, 所以仲可以聽返, 總叫好過無啦..

MAX官方綱頁有更新

睇O左 MAX 個官方綱頁一直都無乜更新, 今日再入去睇睇, 發現終於更新O左啦, 多O左好多相, 而且仲有"日記", 真係開心. 雖然我唔知佢講乜, 但係都覺得開心, 起碼知佢地仍然有好多工作, 希望佢地繼續努力, 有更好O既表現啦.


試聽MAX 的歌曲

今日有可能由一號風球轉三號球.

今朝聽電台新聞話今次呢個風球有可能由一號轉為三號, 到今日傍晚時份會知轉唔轉, 另外, 我亦都聽到個電台DJ講, 話呢個風有可能打八號或著更加風球, 點解佢會咁講呢?? 係因為佢話, 如果呢個風O既風速係有減慢O既情況出現, 咁係代表熱空氣O係停留住, 越停留得耐, 果個風O既力量越大, 所以有可能掛更高O既風球, 所以要留意O黎緊幾個鐘頭個風速有冇減慢. 亦都睇睇呢個DJ所講O既O野O岩唔O岩.

又打風

今日又打風啦, 不過聽講話唔會掛三號風球, 但係就好焗, 下午o既時候都有三十四度, 又熱又焗, 呢 D 天氣都幾難頂, 初初諗住過O左中秋會涼返小小, 點知好似仲熱O左咁, 今年 D 電費都貴過上年, 可以知道今年係熱過上年. 睇怕都會越O黎越熱, 出街做O野O既朋友就真係辛苦啦.....頂住呀!!!

又係日本戲

今日再睇o左另一套日本電影(天國之戀火), 不過呢套真係好悶, 睇o左我諗唔夠半個鐘頭我己經訓o左, 之後醒o左再繼續睇, 但係都睇得幾辛苦, 因為都係一個字[悶], 好妙係問人借, 唔使錢, 如果要俾錢睇, 我諗睇完都媽媽聲.所以大家見到呢隻碟都唔使浪費時間同金錢, 因為睇o左都包你話失望.

好感人

早幾日問朋友借o左隻藉著雨點說愛你)o黎睇, 我朋友已經話過俾我知套戲好感人, 點知真係咁鬼感人, 喊到我紙巾都濕o左好多張, 套戲o既人物唔多, o黎o黎去去都係幾個人, 但係個故事都寫得幾好, 而且非常浪漫, 個小朋友亦都做得好好, 亦都可以令人感受到要珍惜身邊o既人, 如果搵到個愛自己, 而自己亦都好愛o既人就千萬唔好俾佢走啦.
實在太感動, 太好睇啦, 有興趣o既朋友都可以睇睇!! 應該唔會失望o既!!! 呢套都算我我今年睇過最好睇o既戲.

尋晚大奧第一集幾好睇

尋晚無線播出日本電視劇(大奧), 俾我預期中係好睇o既, 因為上次無線講到(醫道)o係韓國o既收視仲勁過(大長今), 點知悶戲一場, 所以都唔敢抱好大o既祈望o係呢套(大奧), 不過希望越小, 驚喜越大, 今次呢套劇都係主要講兩個女人o既爭鬥, 不過就尋晚o既劇情都幾血腥, 但係就係咁樣先吸到觀眾繼續收看, 相信呢套劇o既收視一定好過(妙手仁心), 另外(大奧)劇裡面o既服飾都幾靚.

追月夜

上年中秋的月亮.

今年中秋的月亮.

今日係舊曆八月十六追月夜, 早兩日都見唔到個月亮, 今晚終於都見到, 不過個月亮無上年中秋咁靚.可能都係仲有小小霧唔係太清, 上年個月亮睇得好清楚.

小朋友好好精力

今日約o左朋友出o黎食晏, 我朋友帶埋佢個女出o黎, 佢個女今年兩歲多小小, 初初見面都好怕羞, 連望都唔會望我, 不過對多一陣, 開始走走跳跳, o係個商場度走o黎走去, 我朋友最後都係頂唔順, 帶個女走人. 不過俾我都頂唔順, 人又多, 小朋友又唔識情, 走埋一邊, 我地走佢又唔走, 我朋友又怕個女唔知走o左去邊, 又怕佢俾人撞, 又怕佢撞到人, 心力交瘁.
小朋友o係五歲之前都係好可愛, 好無知, 但係一過o左五歲, 佢就開始不受控制..做父母o既真係好勞氣, 又擔心. 想生o既朋友都要諗清楚. 一生佢地出o黎就要預o左辛苦............. 當然都會有開心. 不過責任真係好大.............諗清楚d 啦..

中秋先o黎打風

今年風球唔多, 計埋今次呢個, 都係第二個. 不過真係打得唔合時, 等放假先o黎打, 平時中秋最好o既節目都係去o下 BBQ, 行O下海灘, 上O下山頂, 睇怕今年都係 NO WAY.
今次呢個風都O黎得快, 而且風力都好似幾勁, 平時一號風球都無乜風, 今次好似有 D 料到咁. 唔知會唔會打八號呢??
雖然打風, 希望大家都中秋節快樂啦!!!

MAX最新相片

有賊呀!!!小心!!

上個星期日又係去屯門吉之島, 我同我個朋友入O左去一間波鞋鋪頭睇鞋, 突然有個男人捉住一個男仔, 初初都唔知乜事, 你知我眼唔好啦, 後尾問返我朋友, 佢話原來頭先個男仔(小偷)打果個男人個老婆個手袋, 諗住交俾佢個女仔同黨, 點知俾佢老婆發現O左, 個女仔小偷即時走人, 而個男人即刻捉住個男小偷, 個男小偷反抗O左一陣, 跟住俾返個銀包個男人, 跟住個男人就放O左個小偷. 當時鋪頭裡面O既工作人員, 係無人幫手O架, 可能太過電光火石, 大家都唔知發生乜O野事. 不過我就覺得個男人應該報警捉O左呢個賊仔, 放走佢咪又打過第二個人O既銀包....唉...
其實我都唔係第一次見吉之島有賊, 所以大家要小心D. 尤其是人多O既地方呀!!!

好濛呀!!

因為今朝一早要去覆診, 所以六點幾就已經起o左身, 跟住望望個天空, 嘩..迷濛一片...用肉眼都可以望住個太陽, 咁o既空氣吸得多都對身體唔好呀...
之後坐車出九龍覆診, 好日都唔出九龍, 一出就塞車....不過好彩都唔係塞o左好耐, 不過去到醫院都遲到o左十五分鐘.每一次出九龍覆診, 一來一回都要成五, 六個鐘頭..... 都咪話唔?...

香港真係好!!!.

上個星期同朋友o係葵芳行街, 我朋友見到個袋幾好睇, 想買, 問問價錢, $178, 跟住行多一陣, 又見到果個袋, 再問問幾多錢, 睇o下會唔會平d, 點知仲貴, $238, 嘩...貴咁多, 當然唔買啦, 跟住我其中一個朋友話, 花園街仲平, 不如下星期過去睇睇, 所以今日又約佢地去花園街望望, 嘩....又俾我地睇到果個袋, 果到只係買$88.00 嘩....平成百幾蚊...如果o係葵芳買o左就真係興啦, 我朋友見咁平, 當然即買啦.
o係我地睇袋既時候, 見到一個應該係香港女仔同一個日本女仔o係度睇袋, 個日本妹不停話好靚呀, 好平呀... 個香港女仔問個老闆如果佢地買三個袋平d得唔得, 個老闆話好啦, 平一蚊.....笑到我同我d friend死, 個老闆又真係平o左俾佢地, 不過我地跟住都走人, 唔知個女仔有冇買到, 不過應該都有買, 三個袋加埋都係$180.00, 呀...唔係, 係$179.00先o岩. 哈..... 你話香港 d o野幾底呀.又有很講價, 香港真係好!!!

越o黎越多o野唔食得.

繼之前o既菜, 豬, 魚, 依家台灣又話大 閘 蟹含 可 致 命 抗 生 素, d 大閘蟹由內地入口, 唔知有冇 d入o左o黎香港呢?? 仲有 d 乜o野係有問題, 而我地又唔知o既呢?? 相信有好多, 大陸o既商人成日諗住搵快錢, 將 d有問題ｏ既食物再加工，　令到由小問題變大問題，　但係都一樣俾人食，　最後等　ｄ　人唔敢食，　跟住叫有小小收斂，　之後又照舊照做．　依家有時去超市買ｏ野都會留意係咪大陸出，　如果係，　都係放低唔買，　費時呢度食小小，　果度食小小，　遲早食出事．．．　有時做生意都要講良心，　唔係因住生仔無屎ｘ呀．．．．

空氣好差呀!!

雨分鐘之後已經落雨!!!!
呢幾日 d 空氣真係好差, 個天濛查查, 不過依家行緊雷, 唔知會唔會落雨, 如果落o下雨都好, 將空氣裡面o既灰塵洗乾淨, 等 d 空氣清新d, 依家 d 小朋友o既氣管都唔係太好, 都係因為天氣越o黎越差所影響. 過多幾十年, 唔知使唔使日日帶住個口罩出街....

好快就到中秋節啦..

今年中秋節好似靜"英英"咁, 平時中秋節, 早幾個星期 d 朋友已經問定去邊度 BBQ, 去邊度玩, 但係今年無人提過... 真係一年悶過一年, 唔通人年紀大就唔鍾意出街........

天氣好悶熱, 蚊蟲多!!

呢幾日 d 天氣好悶熱, 睇怕都就快又落雨, 一落完兩又會有好多蚊, 真係討厭!!!
我屋企都唔知點咁多??, 用 d 什麼??屋都無乜用, d??真係好勁,殺極都仲有, 黑人憎呀!!!

一錯過就無..

早幾日去d大陸書書店睇書, 見到本書想買, 不過好似俾人摸過好多次咁, 問過又話無新, 所以無買, 但係個心一路都想買呢本書, 不過行過好多書店都無, 於是今日再去返果間書店睇o下本書仲o係唔係度, 諗住都照買.......點知個店員話賣哂.........問佢會唔會再返呢本書, 又話第二個版可能會返, 都唔知幾時先有........唉.........好多o野, 一錯過就無得返轉頭, 下次都係, 見到心頭好就唔好放過, 啦啦聲買o左先........費時後悔.

不再年青????

今日又係去o左屯門吉之島行同食晏, 其實都唔係行o左好耐, 都係四個鐘頭左右, 不過雙腳已經?到痺, 個背脊又痛, 唔通真係不再年青....可以食返 d 乜o野補補呢?? 起碼可以令到體質強返d, 頂得兩o野. 唔係o既話, 過多十年都唔知點算...
不過可能都係我無乜做運動.....

今日o係葵芳見到明星

今日去o左葵芳行街, o係新都會廣場見到有明星搞宣傳活動, 不過我睇得唔係太清楚做乜o野宣傳, 都有幾個明星, 包括森美, 小儀, FIONA, KARY同一個我唔識o既男仔, 森美真人好瘦, 瘦得o黎係好似有病果d瘦法, 而小儀就比想像中肥小小, 而 KARY就.....MM..樣就真係麻麻地, 不過笑容十足, 而FIONA無乜特別, 但係都叫好樣過KARY, 不過我都只係睇O左一陣就走人...無乜興趣睇佢地..

等派米

o係舊曆七月呢段期間, 好多派米o既活動, 好多公公婆婆都去等派米, 不過睇到電視新聞o既片段, 見 d 婆婆你推我撞, 初初口角, 跟住有 d 仲動武, 為o左一句米有 d 婆婆跌親腳, 有d撞親頭. 睇到都好心酸, 今日仲有一個婆婆o係派米人龍邊出事, 而且仲過o左身...唉.....希望唔好再有唔開心o既事發生.死啦.......我年紀大都唔知會唔會排埋一分...希望唔使啦...

九月一日

話咁快就九月啦, 所有o既學生又要開始返學, 時間過得真係好快, 我果兩個甥生女一個已經四年班, 另一個就二年班, 希望佢地俾心機讀書啦~加油呀!!唔好偷懶呀!